Xalq ta’limi boshqarmasi

Xalq ta’limi boshqarmasi xalq ta’limi davlat boshqaruv organi hisoblanadi va O’zbekistonning «Ta’lim to’g’risida» Qonuni asosida faoliyat ko’rsatadi hamda viloyat hokimligiga bo’ysunadi. Boshqarma maktabgacha, umumiy o’rta, maktabdan tashqari ta’lim muassasalari pedagoglarini qayta tayyorlash va malakasini oshirish, pedagogika fanini rivojlantirish sohasida yagona davlat siyosatini amalga oshirilishini ta’minlaydi. Boshqarma idoraviy bo’ysunishi va mulkchilik shaklidan qat’iy nazar, ta’lim muassasalarida «Ta’lim to’g’risida»gi O’zbekiston Respublikasi Qonuni va «Kadrlar tayyorlash milliy dasturi»ga asoslangan holda ish olib borish, bajarilishiga rioya qilish ustidan nazoratni va ularga uslubiy rahbarlik amalga oshiradi.

Boshqarma o’z faoliyatida O’zbekiston Respublikasi Konstitutsiyasiga, Qonunlariga, O’zbekiston Respublikasi Oliy Majlisining qarorlari va boshqa hujjatlariga, O’zbekiston Respublikasi Prezidentining farmonlari, farmoyishlariga, O’zbekiston Respublikasi Vazirlar Mahkamasining qarorlariga, vazirlik hay’at majlisi qarorlari va buyruqlari, viloyat hokimi qaror va farmoyishlari, boshqa meoyoriy hujjatlarga hamda ushbu Nizomga amal qiladi.